Homber a maltrata su ex pareha, lage herida, cu nanishi fractura y varios sla na cabes

George Madurostraat: Diasabra marduga pa mas o menos 10’or y mey di anochi, ta drenta un informa, cu den George Madurostraat dilanti di Mon Plaisir College, tabata tin un problema di pareha den cual e dama a wordo maltrata y cu e cabayero mes lo a bay warda di polis na Oranjestad.

Mesora a dirigi un patruya na e sitio, na yegada enberdad nan ta topa cu un dama cu ta splicanan cu su ex pareha lo a cer’e cu su auto y a pone e dama baha for di auto. E homber a maltrata e dama severamente, ela ricibi varios golpi na cabes y tambe aparentemente su nanishi tabata mustra fractura.

E agentenan a tuma declaracion di e dama y a pidi pa presencia di ambulance.

Na yegada,personal di ambulance a trate na e sitio y despues a transporte pa hospital. Mientras cu e agentenan policial tabata terminando na e sitio, enberdad e homber agressor a presenta na warda y a keda deteni.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.