Homber a bati su muhe mata na Aruba

Homber a bati su muhe mata na Aruba

Aruba ta lanta dialuna mainta di luto cu un otro caso di abuso contra hende muhe. 

Ta trata di un caso unda un homber indentifica como Roy Croes a bati su pareha/muhe Anuska Tromp te mate. E caso mes a sosode diadomingo mainta pa merdia na nan cas/apartment na pos abao na Noord. 

Na un forma sin piedad e homber aparentemente a bati su muhe causando sangramento interno probablemente den cabes.

Na prome instante e muhe a soporta e sla pero na dado momento a yama un amiga pa hibe hospital. 

Na hospital su condicion a deteriora y dialuna marduga ela fayece. 

Na dado momento e homber mes a acudi na hospital diadomingo y ora ela confronta e situacion el’a acudi bek na su cas. 

Autoridadnan a wordo poni na altura y diadomingo anochi e homber a wordo deteni na su cas. 

E caso ta bao investigacion awor pa mira ta kico precies a sosode den e cas.

Anuska Tromp ta un bon conoci di comunidad, kende a traha cashier na Kowloon pa un tempo pero tambe a traha na otro lugarnan.  

Esaki ta otro caso mas di lamenta pero cual ta expone e tantisimo casonan unda “machonan” ta buta sla riba nan muhe. 

No por descarta tampoco uso di droga den e caso aki.

Manera e caso aki tin mas ta sosode pero ta keda den silencio. 

Nos ta extende condolencia na famianan y amistadnan y cu polis por establece ta kico a sosode.  

Update:  pa 9am, ministerio publico a confirma!   E curpa di Anushka a wordo tuma den beslag y e homber ta deteni.

 

(E foto aki ta ilustrativo pa violencia domestico y no ta relaciona cu e caso)

One comment

  1. Mi no kier, pero, awe mi ta haya razon. Ta sera un Polis ora ta dal e agresor un par muchu fuerte, akinan si a yama Polis na tempo, e muher aki tabata na bida. Mi no kier, pero, mi ta haya razon. Den e caso, e victima cu e Polis aya a asisiti, ta na bida, door cu e homber a haya dos klap dimas. Sino, ken sa si e victima den e caso caminda a sentencia un Polis pa a defende e muher, tambe ta un defunto. Ken sa.

Leave a Reply

Your email address will not be published. Required fields are marked *

*