Hobennan kier pretende di ta burachi y droga, pero nan ta corda tur cos bon bon!

Caso Ski:

E sucedido riba Ski tin hendenan hopi desgusta!    Ayera a sali e noticia cu e damita di 20 anja cu a tira riba Ski, a bay entrega su mes.

Na mes momento,  e damita a declara, cu diadomingo el’a dicidi pa bay conta su famia, kico a pasa, y cu ta e a tira Ski.   Mas cu claro den seno familiar esaki lo tabata shocking news pe famia.

E famia a dicidi di aserca un abogado y abogado despues di scucha e storia a bay entrega e damita den man di polis.

Notabel ta cu e sucesido ta wordo relata te den detayes,  esta cu ora a pasa den Rancho, a pidi e chofer pa para e auto.  Ora cu el’a para,  a habri e bentana patras y a saca un arma y cuminza tira.

Notabel ta cu si bo tabata pata pata burachi, droga y for di tino, pero bo mente ta corda precisamente ta kico a sosode te pa bo conta bo famia diadomingo anochi.

Dje forma aki por constata cu e damita a contradici su mes y cu nan no tabata nada di burachi, nada di droga, pasobra nan ta corda bon bon y sa bon bon ta kico nan a haci.

Tambe e defensa a splica polis, cu e damita nunca kier a tira riba Ski,  ta solamente el’a tira pa loco, y ta Ski su malasuerte di a “cana bin tuma e bala.”

Esaki ta nada otro di kier a hunga “tough” y imita cosnan cu ta sosode na Merca.

Atabo awe cera,  ya nan ta prepara bo kamber pabo na KIA, unda bo lo bay sinta basta anja cera, danja bo nomber, danja bo futuro y mucho mas pior ta haci henter bo famia dolor inmenso.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.