Hoben ta yega cas di wela droga y agresivo, polis a lucha cune

Seroe Blanco – Diaranson marduga den careda di 2:30 polis ta bay un cas situa na Seroe Blanco, eynan un nieto lo a yega cas di su wela completamente bruha y tawata haci hopi fastioso.

Segun nos a compronde e hoben aki di 20aña lo ta usa droga y ta mezcla esaki cu alcohol, caminda e resultado final ta sumamente negativo ariba dje.
E diaranson marduga aki esey a pasa, normalmente segun un familiar na e cas e ta trankil y ta yega eynan sin niun problema.

Pero e biaha aki mester a yama polis pe, mirando con e tawata hopi agresivo y lo por te hasta haci un persona daño. Na yegada di polis un omo segun nos tin entendi tawata tin e wanta.

Polis na nan turno mester a lucha un rato cune, pa por a domine. Mientras e tawata papia puro palabranan insolente, den direccion di e agentenan y su famia mes.
Ela wordo hiba warda di Shaba, caminda e lo a keda encarcela pa e bin bij. E hoben aki mas cu claro mester ayuda social, nan ta un peliger pa sociedad.

No mester lubida, e caso lamentabel cu a sosode na Moko, caminda un familiar hoben a yega cas y a maltrata un dama famia di edad, caminda cu e ta fayece debi na e golpinan nan fuerte ricibi.

One comment

  1. [email protected]

    Dicon no ta lucha pa drecha e hoben, nos tur tin posibilidad di cay den algo. Pa lanta y sali ta e cos.

Leave a Reply

Your email address will not be published. Required fields are marked *

*