Guarda Nos Costa Aruba por spera su cuater Metalsharknan den luna di November

Minister Andin Bikker:

Guarda Nos Costa Aruba por spera su cuater Metalsharknan den luna di November

Minister Bikker a anuncia cu siman pasa durante di e bishita cu el’ a haci na Corsou pa por a reuni cu e presidium, di Kustwacht, a logra haya siguranza cu den luna di November Aruba lo por conta cu e cuater Metalsharknan cu Aruba tin derecho riba dje.

Actualmente Kustwacht ta patruyando cu e botonan di rubber grandi, e Go-Fastnan, pero ta den un proceso di basta dia caba, caminda cu na Corsou den luna di Juli, a haya e prome cuater Metalsharknan cu ta botonan specialize. Nan ta cera cu cabina cu propio radar, y a wordo geordo hunto cu Coast Guard di Merca.

Coast Guard di Merca ta usa tipo di botonan aki. Esey lo ta un mehoracion di loke tin awor aki cu siguramente ta sirbiendo e metanan, pero awor aki ta optimaliza, patruya mas largo, den lamanan mas bruto, den oranan di anochi riba e botonan aki, cargando mas hende.

Aruba ta wardando riba nan caba for di Juli/Augustus. Un di e metanan cu e minister tabata tin ta esaki. Prome a tende cu nan ta bin na Augustus, despues September y Oktober. E minister a bay pa enfatiza cu Aruba tin derecho riba nan.

A haya e noticia cu den luna di November por conta cu nan lo bay entrega e cuater Metalsharknan aki. E lo bay yuda pa por optimaliza y sigura nos fronteranan.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.