Grupo di mucha homber a bringa contra un na EPB Sanicolas

Pelea dilanti EPB San Nicolas

Net despues cu mayoria di klas a finalisa cu nan lesnan pa e dia, esta diahuebs, a surgi un problema, unda cu un mucha homber a core drenta auto di un persona desconoci pa evita cu e ta wordo maltrata.

Pa casi 3’or di atardi ta presenta na Warda di Polis San Nicolas e mucha homber D. Di 18 aña. E ta declara cu un rato prome el a haya problema cu algun mucha homber cerca di EPB San Nicolas.

Testigo tabata e señora cu a trece Warda di Polis y tambe a entrega keho di destruccion cometi na su auto. E señora ta conta cu despues di 2’or, hunto cu su yiu, nan a pasa den auto dilanti i EPB San Nicolas. Di repente el a mira un grupo di mucha homber ta core bin den nan direccion. Un di e mucha hombernan a habri e porta robes patras y a bula den e auto. El a cuminsa grita pa yama Polis. E otro hobennan a cuminsa scop e auto.

E señora a dicidi pa core bay Warda mientras cu el a laga su yiu yama Polis pa pidi pa ayudo. El a dicidi di bay directamente warda pa evita cu e mucha homber cu a sconde den su auto ta wordo maltrata pa e grupo di mucha hombernan.

El a mustra Polisnan e daño cu su auto a sufri. Potret a wordo saca y hinca den e denuncia di destruccion, ya cu e kier pa e hobennan paga pa drecha e daño causa.

One comment

  1. A trece na Aruba un problema dia a introduci e telefon pa hubentud, mi ta completamente xontra e telefon pa hubentud. Den mi tempo mi a haya bon sota ora tabata na su lugar. Pa evita cu mi ta bira un porkeria den comunidad, mi a worde educa na e unico manera: sota y dolor ta keda den bo memoria: NO HASI MALO. Mi yiu ora e tabata chiki ta bisami: mi ta yama telefon pa hubentud: mi a conteste: yamanan, yama Polis mes, nan tambe ta haya. Si ami no educa mi yiu, dolor y memoria, sota, ken ta bai eduke pami. Otro porkeria: famia planea: nan kier bisa mi yiunan den 5de y 6de onderbouw cu ta o.k pa hasi seks: seks ta exclusivamente pa hendenan hopi mayor di edad, preferiblemente casa pa no danja e orde di cos. Y hende kier sa ken ta danja e pais aki. No, educashon sexual ta pertenese na mayornan, ami a educa mi yiunan cu sex ta maraviyoso: na su momento: bo no ta explota si bo no hasi sex. Ademas, mihor un yiu por controla su mes na hoben, den matrimonio e ta bai por controla y cuida e union. P’esey tin tanto divorcio tambe: divorcio, ruptura, yiunan pa nan cuenta. Free for all.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.