Grupo di hoben den Nissan March a bolter pariba di Alhambra

J.E.Irausquin Boulevard – Diabierna marduga pa mas o menos 12:20 polis a wordo manda altura di crusada di Alhambra, pa un auto cu lo a bolter.

Patruya cu a yega na e sitio na prome instante no por a haya e accidente.
 
Despues di un rato e ta bin topa cu e accidente, cu a resulta di tawata basta pariba di e crusada.
Ey nan a topa cu un grupo di hoben, cual algun tawata keha di dolor pero nada serio.
 
Polis mes ora a pidi pa 2 ambulance.
 
E accidente posiblemente con e lo a pasa
Na e sitio nos por a scucha un testigo duna su declaracion na polis.
Segun e testigo, e auto aki un Nissan March bayendo direccion Oranjestad dado momento lo a cuminsa slinger ariba caminda.
Pa despues perde control completo ariba e auto, kitando bay na su banda drechi.
 
E auto a sufri hopi daño, un tira patras por a wak cu a rementa. No por bisa si e tire a rementa prome of durante e impacto.
 
Ambulancenan a transporta tur e hobennan pa hospitaal pa un check up.
 
E accidente aki por tawata peor, sea conciente ora di stuur auto, e no ta cos pa haci wega cune.

 

Leave a Reply

Your email address will not be published. Required fields are marked *

*