Fronteranan vulnerabel : Cantidad grandi personanan indocumenta a drenta Aruba, altura di Isla di Oro

Savaneta – Diaranson marduga den careda di 2’or un grupo grandi di personanan indocumenta a pisa tera, na altura di isla di oro.

Pa mas o menos 2’or Kustwacht ta intercepta un boto cu lo a caba di baha varios persona, esaki tawata saliendo for di Santo Largo.
Mes ora nan a pare y Kustwacht a bati alarma, avisando polis.

Polis mes ora a cuminsa manda mas tanto patruya posibel pa area di Isla di Ora y La Granja. Buskeda nan a cuminsa den e scuridad y asina mes autoridad ta pone man ariba algun di nan.

Esnan deteni a ser transporta pa warda di Santa Cruz. E capitan di e boto tambe a wordo deteni y hiba warda di San Nicolas pa interogacion.

E area aki tambe ta uno cu personanan indocumenta sa haci hopi uso di dje pa drenta nos isla.

Leave a Reply

Your email address will not be published. Required fields are marked *

*