Ford Figo procedente di ladronicia, ta wordo haya panort di Arashi, cu tres persona den dje, tur tres a keda deteni

Arashi – Dialuna merdia despues cu a bira conoci cu un Ford Figo color cora a wordo horta na La Cabana, esaki lo a para ayeranochi eynan.

Den oranan di mainta ora e doño nan a bay buske antisocialnan a bay cune.
Algun rato cu e informacion a ser pasa rond di e caso, un unidad di polis a spot e auto aki panort di Arashi.

Esaki tawata ariba un caminda di tera. Nan ta logra para e auto y ta detene tres homber cu tawata den dje.
Tur a wordo transporta pa warda.

Aki nos ta wak cu un auto Ford di aña 2016 ta wordo horta, pues ladronnan di auto aki na Aruba tambe ta avansa cu tempo y ta mustra di por horta bay cu cualkier auto si nan kier.

Leave a Reply

Your email address will not be published. Required fields are marked *

*