For di Ministerio Publico: Te cu diadomingo anochi no tin detencion den caso Lox Sing na Paradera… Curpa ta den beslag pa investigacion

Diadomingo anochi laat, BoletinExtra.com a logra haya contacto cu Minsiterio Publico y e fiscal cu tin e caso di Paradera Lox Sing den su man pa wordo investiga.

Mucho informacion no por a wordo suministra. Sinembargo Ministerio Publico a informa BoletinExtra cu entodo caso no tin ningun detencion ainda den e caso aki. Tambe Ministerio Publico a reconfirma cu e curpa ta bao di beslag pa asina investigacion tuma lugar.

Te ne momentonan aki, nos por a logra copila cu un homber di 47 anja, Gionvanni Javier Kock, registra na Maria Maai 26, a wordo haya sin bida den e un auto Hyundai color shinishi scur, sinta den stoel patras. ( No dilanti)   Segun un testigo,  e lo tabata mara.

Mas leeuw, BoletinExtra.com a logra confirma tambe pa 100%, cu e auto aki, esta e Hyundai cual ela wordo haya NO ta di e persona aki, pero ta pertenece na otro persona.

Segun un testigo clave cu a conversa cu BoletinExtra.com, e ta asergura cu e auto aki ya pa 12.or di anochi a wordo staciona na e parkinglot aki.

Tambe nos sa cu e supermercado aki, ta keda habri te cu poco laat, pa cual nos ta asumi y no por a confirma cu e supermercado a cera su porta pa 12.or di anochi.

Pa prome ves den un caso asina, polis a dicidi di takkel e auto, cu e curpa di e defunto den dje, pa asina por hibe na un lugar, unda por haci un mihor investigacion.

E declaracion di Ministerio Publico ta confirma na nos indirectamente cu aki ta trata di un asesinato, y no di un morto natural manera cu mas tempran a wordo specula, ni tampoco di un atake di curazon.

Si encaso cu tabata un problema cu salud, lo no tabatin sentido pa beslag e curpa pa investigacion.

Sinembargo, autoridadnan ta keto keto, y no ta dunando ningun pero ningun informacion. Mas cu claro cu esaki ta den proteccion di e caso.

Tur loke nos tin, ta un testigo cu a divulga hopi detayes di e caso.

No ta prome ves cu ta haya un hende morto den auto, cual ta wordo relaciona na un crimen. Tin varios otro caso, cual algun a wordo soluciona y otronan te dia di awe ta sin solucion.

Na famianan di e fayecido, nos ta extende nos palabranan di condolencia.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.