Florimond Boekhoudt a fayece den un cas bandona na Diamantbergweg

San Nicolas

Dialuna anochi polis ta bay un cas bandona den Diamantbergweg pa un persona cu no ta duna señal di bida.

Na yegada di patruya nan ta topa cu e curpa sin bida di e conocido Florimond Boekhoudt.

Florimond tabata un persona cu hopi problema, tanto social y tambe di salud.

Na varios ocasion nos a trece noticianan di su persona dilanti, pero mucho no tabata wordo haci.

Florimond tabata sufri segun nos por a compronde di varios enfermedadnan sumamente contagioso, caminda cu esakinan poco poco pero sigur a termina cu su bida.

Na varios ocasion polis tabata wordo pidi pa “move” di luganan publico.

Polis na final no por a haci mucho y mester a avisa Dienst Besmettelijke Ziekte, pa a trata cu su persona.

Pa nos e no ta mucho cla, si e manera cu a trata e persona enfermo aki tabata esun corecto ? 

Pakiko ?

E tabata un ser humano, cu su foutnan, manera hopi otro ey fo.

Hopi hende a haye un caso sumamente tristo…pa laga un ser humano cana rond manera un animal, te ora e muri.

Dr Giel a presenta pa a constata morto, a pidi tambe presencia di recherche y demas departamento pa controla tur cos prome cu un cas funeral busca e curpa.

Segun nos a compronde, Florimond lo tabata tin basta ora morto caba, kizas for di den dia.

“Florimond sosega na paz, Dios dune su luz eterno, awor no tin sufrimento mas”.

florimond-boekhoudt-ta-fayece-1     florimond-boekhoudt-ta-fayece-3

Leave a Reply

Your email address will not be published. Required fields are marked *

*