Flex team ta haya hopi droga den un cas na Rancho

Avenida Alo Tromp – Diasabra marduga Flex Team pasando den dicho caya, ta wak algun persona actuando hopi sospechoso.
Mas cu logica, e agentenan a baha pa asina bay controla kiko ta pasando.

Pa nan “sorpresa” nan ta bin haya un tas, cu tawata yena cu basta droga, nan a sigui tira bista rond y ta bin topa mas droga scondi rond.
Agentenan a puntra rond e momenti eynan di ken e tas ta, pero niun hende “no tawata sa nada”.

Polis a confisca tur e droga y lo a entrega esaki den man di departamento di Narcotica.

E area aki ta conoci pa trafico halto di benta di droga, varios biaha autoridad a tene razianan y detencionnan a tuma luga.
Pero, nada no a cambia y bendemento di droga ta sigui.

Leave a Reply

Your email address will not be published. Required fields are marked *

*