Famianan ta en busca di paradero di Franky Jacopucci

Famianan di Franky Jacopucci ta sumamente preocupa y ta pidiendo Aruba pa yudanza. Ya pa un luna caba famianan di Jacopucci ta buscando pa sa unda pa hay’e. E ta hopi conoci den e bario di Catiri, Tanki Leendert. Tin biaha e sa cana di Catiri pa Rancho, pero ya pa mas di un luna caba, ningun famia no a wak’e ni tende nada mas di dje y nan ta sumamente preocupa.

Franky ta un persona cu ta sufri di epilepsia. Si en caso un of otro ciudadano wak Franky, por fabor, saca un potret di dje y mande pa famianan, splicando na unda mas of menos por a wak’e, pa asina famianan por sigui cu nan buskeda.

A tende diferente rumor cu e lo ta na San Nicolas, na Santa Cruz of den Rancho, pero tur esaki ta keda nada mas cu un rumor.  Por ultimo, si abo por a mira Franky Jacopucci, por fabor, tuma contacto cu celular 742-3693 of tambe por tuma contacto cu Liesje Dijkhoff riba su pagina di Facebook, pa asina nan por recupera nan ser stima.

Famia ta gradici di antemano e cooperacion di e comunidad Arubano, pa yuda trece Franky bek cas.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.