Esaki ta hoben cu tawata na stuur di e Tercel cu dal 5 auto

Wilhelminastraat – Diasabra merdia polis a wordo informa cu e chauffeur di e Toyota Tercel cu a dal 5 auto den Pindastraat a aparece.
Segun informacion e momento ey, lo ta trata di un menor di edad.

E cu su mama lo tawata altura di Ex Codemsa y polis a bise pa buena marcha bay warda di Playa, y asina por papia den tur trankilidad ariba loke a pasa.
Na yegada na warda di Playa, e mucha homber aki cu ta bastante agresivo por bisa, a pasa man pa piedra y dilanti Warda di Polis a manda esaki den direccion di coleganan di Prensa.

Nan mester a hala un banda, pa no wordo seriamente herida pa un piedra.
Despues di su acto di malcria, ela sali core bay direccion di Caya G.F.Betico Croes.
No ta conoci si despues cu coleganan di Prensa a bandona e sitio, elo a regresa.
E hoben ta mustra un persona agresivo of lo por tin un of otro problema scondi.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.