Empleado di Serlimar envolvi den accidente despues di aparentemente un fiesta di trabou

Caya Jose Geerman – Diabierna anochi polis a bay den Caya Jose Geerman na San Nicolas, pa un accidente di trafico.  Na yegda di polis nan a compronde cu ta trata di solamente un auto. Polisnan ta topa cu un pick up hinca den un cura di cas, esaki despues cu e auto a dal un cura di cas kibra. Segun e chauffeur, elo a bay kita pa trafico contrario y esaki a causa cu ela perde control.

Pero, segun testigo esaki no ta cuadra cu berdad.
A resulta cu e chauffeur cu ta un empleado di e Serlimar lo a caba di sali for di su trabou no mucho leu, parse lo tawata tin un celebracion y a bebe alcohol.
E cabayero aki no a tene cuente cu stuur auto y alcohol no ta bay cu otro.
Coleganan tambe por a yama famia of pensa algo pa evita nan colega subi tras di stuur, pero lamentablemente esaki no a pasa.
Polisnan a detene e cabayero mirando cu tawata basta bebi. Ela wordo transporta pa warda y mañan ora e bin bij elo haya sa den cuanto gasto e ta hinca.

2 comments

  1. Nos Rubianonan mester uni mas , trata na yiuda esun cu a bebe dos dimas, trata na alertele: no post su potret, si e perde su trabou, ken ta kria su famia.? Si, ela hasi fout, si, ela stuur auto bou di influencia, pero, si bo no tin pica, tira e prome piedra: hende ta bebe, droga, bai sera, sali y ningun hende ta saca man, of rosario pa reza pa e hende: ma post su potret, pone su bida na berguenza, como si fuera cu nos ta Santo: nos tur ta pecador, un a bebe di mas, otro a droga di mas, ami tin mal caracter, ta zundra hopi, y abo? Bo ta sin pica pa post bida di bo ruman, dilanti di Dios nos tur ta ruman, imahinabo, nos muri y topa otro den Shelo, ki alegria, si nos a pordona otro, si nos a pordona esnan cu ta beneficia den nos caida. Nos TUR ta pecador. Esnan cu ta traha pa prensa ta bai duna cuenta di delaster palabra cu nan a publica, e dia ey.

  2. Mare un hende kier a puntra pueblo pa nan vota y duna nan opinion: mi deseo ta pa elimina carnaval. E ta mi opinion, esun di henter mi famia.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.