Empleado di Burger King su cabes a bruha y a hinka un colega. Otro a core pa nan bida

Caya Betico Croes – Diamars anochi pa mas o menos 10’or central di polis ta haya yamada di Burger King situa den Caya Betico Croes, caminda tawata tin masha hopi gritamento.

Informacion haya e momento eynan tawata indica cu un colega masculino su cabes lo a flip y a hinka varios colega.
Mes ora tur patruya cu tawata den area a bay pa e sitio.
Na yegada polis ta ser informa cu ta un persona so lo a wordo herida, esaki tawata un dama.
Polis a haya e empleado ainda den Burger King y a detene mes ora y hibe warda.
Mientrastanto dos ambulance tawata yegada Burger King.
Na yegada di personal di ambulance nan a bay paden y prepara e victima pa transporte pa hospitaal.
Den algun minuut despues nan ta sali cu un dama ariba su barica, pues no den un posicion normal y su cara tawata tapa. Na su man por a wak sanger.
No ta conoci si e empleada a wordo corta of hinca.
E no tawata mustra di hopi serio, mirando con trankil tur cos a bay.
Recherche y tambe slachtofferhulp a wordo pidi na Burger King.
E caso aki ta parse casonan cu bo ta wak cu sa pasa den paisnan grandi.
Den casonan asina tin hopi factor ta hunga un rol, manera kiko a trigger e empleado aki bay asina leu di kier a hinka y mata algun colega, parse tin a core pa scapa nan mes.
E empleada herida no tawata tin dje suerte ey of kizas tawata un area den e luga cu e no por a move lihe y salba su mes.

Leave a Reply

Your email address will not be published. Required fields are marked *

*