Embahadora di Slovenia a bishita minister Besaril

Datum: 17 oktober 2018

Contactpersoon: Sidney E. Kock

Telefoon: 070 – 356 62 15

Fax: 070 – 345 14 46

Persbericht

Embahadora di Slovenia a bishita minister Besaril

Den Haag – Minister Plenipotenciario, sr. Guillfred Besaril a ricibi bishita di embahadora di Slovenia na Hulanda, sra. Sanja Štiglic.

E bishita di sra. embahadora tabata pa atende topiconan di interes comun entre Slovenia y Aruba. T’asina cu Slovenia ta e pais di mas chikito di Union Europeo, cu un poblacion di apenas dos miyon habitante. Nan economia den comparacion cu tur e otro miembronan nobo di Union Europeo na 2004 esun mas prospero. Economia di Slovenia mas y mas ta hayando un caracter di un economia di brinda servicio. E sector aki ta responsabel pa casi 70 porciento di BBP na 2013 di Slovenia di cual e sector aki ta wordo carga principalmente pa turismo. Ademas economia di Slovenia ta draai riba transporte, telecommunicacion y e sector financiero. Esaki ta haci cu economia di Slovenia tin hopi parecido cu e economia di Aruba. Tambe Slovenia ta enfoca hopi riba eco turismo. Otro aspecto cu e gobierno di Slovenia ta concentra riba dje ta innovacion y riba un maneho sostenibel. Segun minister Besaril esaki ta puntonan caminda Aruba y Slovenia por bira partnernan strategico di otro. “Combersando cu embahadora Štiglic mi a ripara cu e pueblo di Slovenia tin hopi similaridadnan cu nos dushi pueblo di Aruba. Nan ta hopi orguyoso di kende nan ta y tin un enfoke particular riba nan cultura. Igual cu e iniciativa actual di nos Gobierno. Un otro ehempel ta, cu mayoria di e habitantenan ta catolico, nan tambe ta celebra carnaval grandemante manera poco pais Europeo ta hasi” minister Besaril a remarca.

Embahadora Štiglic a cuminsa riba e puesto aki na Den Haag desde 23 di augustus 2017 y tambe e ta embahadora di Slovenia na OPCW cu ta e organisacion di Nacionnan Uni pa Prohibicion di Armanan Kimico. Prome cu su puesto di embahadora na Hulanda, Štiglic tabata Minister pa Asuntonan Europeo pa Slovenia. Durante di su carera diplomatico Sanja Štiglic a ocupa diferente funcion como embahadora di Slovenia na Nacionnan Uni na New York.

Nota pa redacion: E potret ta cortesia di Cas di Aruba

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.