E tiramento di culpa riba riba Marisol, no ta cuadra! Benny por a “cancelled” nan, pero a opta pa sigui firma mas!

Ex Minister Marisol Lopes Tromp ta reacciona riba ex Minister Benny Sevinger: “E ta ridiculo”…. E tiramento di culpa riba riba Marisol, no ta cuadra! Benny por a “cancelled” nan, pero a opta pa sigui firma mas!  Hopi projecto di hotel no a cumpli cu nan ‘opcion’, cual tabata facil pa laga cancela !

Dialuna merdia, Ex minister Marisol Lopez Tromp a reacciona riba declaracionnan haci dor di ex-minister Benny Sevinger,  unda e ta tira culpa riba Marisol, cu awe tin 7000 permiso otroga pa kamber di hotel.

Via e radio emisora Top 95 FM, Marisol a bisa: ‘Den dianan cu a pasa tin cantidad di discusion di ex minister di
infrastracutura, Benny Sevinger, treciendo informacion incoreacto di loke e mes a haci y awor ta culpa otro.
E no kier asumi su responsabilidad di 8 aña di gobernacion, caminda e tabatin tur autoriddad, e tabattin e pen den su man,  el’a firma te firma dimas, awor cu a sali na cla for di documento di DIP mes, over e 7000 kamber, y ainda falta  par di aña pa saca afo.’

Marisol Lopez Tromp a sigui bisa cu e 7000 kambernan di hotel a wordo ilustra, lo wordo publica atrobe, caminda
por wak e cantiadad di kambernan di hotel, condominums, apartment, units, cu den gobierno di Sevinger el’a firma.
Pa termina e discusion si ta e (Benny) of si ta ami (Marisol) , mi mester splica cu ora como minister bo duna un opcion, e ta un chens pa hende construi algo, sea comercial of priva. Tempo cu ami tabata minister, e condicion tabata cu e opcion no ta un termino habri, unda bo por keda sin cosntrui. Si bo kier traha un hotel apartamento, hotel, cas, e ta mara na tempo. Tur akte den mi tempo, tabata mara na condicion y na fecha cu e ta caduca, na momento cu e persona su tempo pasa.

Esaki ta e mes maneho cu Otmar Oduber a bin ta introduci bek. Esaki ta nifica cu 7000 kamber cu Benny Sevinger ta
bisa cu Marisol a firma nan ta imposibel. Si el’a bin haya mes algun opcion riba mesa, anto e no kier nan, y su
gobierno a bsia cu NO ta duna mas permiso pa kamber di hotel, e tabata tin tur poder pa termina
esakinan. E por a cancela nan.

Kico a sosode? Benny Sevinger bay sinta bek na mesa cu e inversionistanan y a duplifica o triplifica nan cantidad
di kamber. Minister Oduber a parti e lista di e 7000 kambernan, tur esakiann ta fecha despues di 2009, nada di Marisol su firma riba nan.

Tempo di gobierno MEP, unda Marisol tabata minsiter, den e programa di partido di 2005 pa 2009, e tempo ey,
casi 20 anja pasa, ta poni cu lo bay stumila economia, lo eleva e producto turistici cu hotelnan di calidad.
No tabata un secreteo cu lo a crece e parti di hotel den Gabinete Oduber 4.

Ritz Carlton mes a wordo anuncia den e programa di MEP na 2005 pa 2009. E ta poni un hotel Ritz Carlton, sin
garantia y sin tax holiday. Mep a gana cu mayoria di votos. A cumpli cu e programa di MEP.

Pakico ex minister Benny Sevinger ta bay teima riba un hotel cu tabatatin aprobacion di conesho di minister y tabata poni den partij programa? Enbes cu bo bay baha e cantidad di kamber, apartament, manera AVP a pidi 18 di mei 2010, den un mocion di moratorio, enbes di bay pone horea na e peticion aki, Benny a bay haci net lo contrario.

Moratorium pasa den parlamento dia 18 di mei 2010:
Na aña 2010, Fraccion di AVP a pidi moratorio pa 10 aña di kamber di hotel. Kico ta termina e periodo di AVP cune?
7000 kamber extra, firma pa Benny Sevinger, pasobra ta imposibel cu ta firma di Marisol tin
pasobra Marisol no ta minister mas.

Marisol a finalisa bisando cu: “pa splica pa esnan cu a wordo bruha dor di Benny Sevinger, despues di 2009,
sea loke ma laga a wordo construi, of a laga proyecto cla pa ehecuta. Minister Benny Sevinger por a bisa “cancelled”, pero esey no a sosode. Bo no por bin tire den mi scochi, of di un gobierno anterior. Bo periodo a start cu un otro mandato, pa stop hotel”

Resumiendo: E tiramento di culpa riba di Marisol, no ta cuadra! Ta Benny a firma enbes di cancelled nan.
Benny Sevinger aki un bes mas ta sconde tras di lomba di Marisol enbes di para pa su 8 anjanan di gobernacion.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.