Dos turista problematico y agresivo a resisti detencion di polis, dilanti Hilton Hotel

Palm Beach – Diasabra marduga den careda di 2’or patruya di districto di Noord a wordo informa cu tin un problema na Gusto.
E problema tawata cu e bouncernan lo a saca dos homber turista for di e establecimento, mirando cu nan lo tawata haciendo problema.

Despues di un rato, a pidi e polisnan cu mas urgencia paso e dos hombernan aki. Cu mes ora por a mira cu nan ta bou influencia di alcohol y posiblemente tambe droga.
Na e sitio un taxista ta bisa polis cu nan (e dos turistanan) lo a causa daño na su auto tambe parti patras, pero e no por a warda e ora ey paso e tin turista den auto pa hiba.

Segun nos a compronde, pero no por a confirma e momento eynan, un otro taxista tambe a wordo gedal door di un di e hombernan aki.
Na yega nos por a wak un di nan ariba vloer full soda.

Despues di un rato, e prome patruya cu a yega a wordo mustra door di bouncernan di Gusto unda y ken e dos hombernan ta.
Den algun minuut un agente a sali cu e homber bisti na cora geboei.

Problema a start
Momento cu e agente a bay pa hinke den e patruya y asina warda pa transportwagen bin buske.
Normalmente esaki lo a bay sin problema, pero e biaha aki e homber a cuminsa haci hopi fastioso.

Un cantidad di palabranan insolente y falta di respet e agente a wanta, asina mes ela keda hopi calmo.
Despues di un rato cos a bay full for di man y mester a bay tera cu e homber pa por a domine. Un otro homber turista a core bin yuda e agente, wantando e homber agresivo abou mientras refuerso tawata yegando.

Un poco mas panort, esun na blanco lo tawata resistiendo cu e otro colega polis, pero esaki lo a sa di pone den boei y trece pazuid unda e borchi di I Love Aruba ta.

Transportwagen a yega y mes ora a cuminsa na hinca den e auto pa movenan di e sitio. Eynan un biaha mas esun na color cora tawata falta e agentenan respet, cu cantidad di palabra malo tanto na Spaño como na Ingles.

Polis a bise cu e mester respeta nos leynan, pero asina mes a papia yen cos.
Ambos a wordo hiba warda di Shaba.

Leave a Reply

Your email address will not be published. Required fields are marked *

*