Dos persona ta perde nan bida den accidente fatal na Shaba

Shaba: Diahuebs pa mas o menos 3’or di marduga ta sosode un accidente fatal na altura di e mall na Shaba.

Na yegada di e prome patruya, cu urgencia e ta pidi pa presencia di mas polis, ambulance, materialenwagen.

E accident a sosode na momento cu un brommer, Hayabusa blanco maneha pa un homber tabata biniendo cu velocidad hopi halto di pazuid y un Nissan Sentra blauw tabata biniendo di panort, a lora dilanti di e brommer pa bay na e garoshi di cuminda, cu ta situa dilanti di e mall pariba di caminda.

E impacto tabata uno hopi fuerte cu e motociclista y e pasahero di e Nissan Sentra ta fayece mesora, e chauffeur di e Nissan Sentra a keda gravemente herida.

Despues cu personal di ambulance a yega na e sitio, enberdad a nota cu ambos no tabata dunando seƱal di bida mas y no a keda nan nada otro cu pa pidi pa presencia di un Dokter y instancianan concerni.

E chauffeur di e Nissan Sentra a wordo transporta cu hopi urgencia pa hospital.

E caminda a keda cera pa trafico, mientras cu e specialistanan di trafico y departamento tecnico di Polis ta haciendo mas investigacion.

Tata di un di e victimanan a presenta na e sitio, kende ta un persona delicado di salud, despues cu ela mira curpa di su yiu sin bida, riba e caminda, e no tabata por cu esaki y a bira malo, personal di ambulance a trat’e na e sitio y despues a transporte pa hospital.

boletinextra.com kier a extende su mas profundo palabra di condolencia y hopi forsa na famia di e fayecidonan.

Leave a Reply

Your email address will not be published. Required fields are marked *

*