Dos persona herida den accidente di auto na Cura Cabay

Cura Cabay – Diasabra marduga un patruya di San Nicolas a topa cu accidente di auto serio, altura di Cura Cabay Store.  Mes ora agentenan ta baha pa asina mira si tin heridos y nan gravedad.  Dos persona tawata herida y ambos tawata tin mester di asistencia medico.  Agentenan a pidi pa dos ambulance.  Tawata trata di un accidente frontal, entre un Chevrolet pick up y un Nissan Sentra.  E impacto tawata uno basta duro, mirando con ambos auto a keda.  Un ambulance a presenta prome y despues e di dos a yega, unda cu a transporta ambos persona herida pa hospital.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.