Dos homber ilegal actuando straño banda di banco, a keda deteni pa polis y hiba warda

Caya musica, Pos abou: Diabierna den oranan di mainta, un polis di bario, cu tabata den e area di Palm Beach na altura di e banco RBC, e la nota un auto coriendo basta sospechoso den area di e Banco.

Mesora ela dicidi di sigui e auto aki, ora e chauffeur di e auto sospechoso a ripara cu tin un patruya di polis su tras, ela cuminsa a hisa su velocidad y a trata di deshaci di e patruya. E polis a sigui’e y a pidi pa refuerso, hunto nan a logra blokea e auto aki den Caya Musica.

Na momento cu e polisnan a acerca e auto, nan a ripara cu ta trata di dos homber stranhero. Ora e agentenan a pidinan pa nan documentonan, niun di dos por a mustra polis cu nan tin permiso pa permanece na Aruba. Ambos sospechoso a keda deteni y transporta pa warda di polis.

Leave a Reply

Your email address will not be published. Required fields are marked *

*