Dos homber deteni, sospecha di a los varios tiro na Sabana Basora Noord

Sabana Basora Noord – Diabierna anochi varios unidad di polis a bay Sabana Basora Noord, pa varios tiro cu lo a wordo scucha.

Altura di Sabana Basora Noord 84 polis a haya informacion cu lo tawata ti varios huls ariba caminda, indicando cu eynan e persona lo a tira.
Mes ora a bay e sitio pa asina sigura e area, pa por haci investigacion.

Tur esaki tawata altura unda antes e Barios Regisseur su oficina tawata situa.

E problema lo tawata entre dos grupo basta grandi. Aki ta caminda cu arma di candela a wordo saca y a tira cune.
A wordo menciona un Nissa March color shinishi, cu posiblemente nan tin di haci cu e arma di candela.

Mientras cu polisnan tawata na e sitio, piedra a cuminsa wordo manda ariba e polisnan. Algo similar a pasa algun dia pasa na Seroe Patrishi, caminda cu dos persona a keda deteni.

Algun rato cu polisnan a haya e hulsnan a pidi pa departamento tecnico di polis, pa yega y saca potret di e hulsnan y documenta esaki.

Flex Team a bin topa cu e Nissan March shinishi altura di Sabana Basora 121, y ta para esaki y ta detene dos ocupante.
Ambos a wordo transporta pa warda di polis na Santa Cruz.

Leave a Reply

Your email address will not be published. Required fields are marked *

*