Dos auto a ser pega na candela, causando hopi molester di huma

Watapana Gezaag – Diasabra merdia habitantenan den area di Watapana Gezaag ta pidi asistencia di polis, pa molester di hopi huma di un candela.

Polis na su yegada mester a bay busca di unda e huma ta bin. Ariba un tereno habri na Watapana Gezaag nan ta bin haya dos auto na candela y esaki tawata cerca di un cas.

Gran parti di e mondi na e sitio tambe tawata kimando. Mes ora a pidi pa brandweer. Den algun minuut brandweer a yega y ta paga ambos auto cu a kima por completo, no ta mustra cu nan lo tawata auto cu ta ser usa ainda.

Leave a Reply

Your email address will not be published. Required fields are marked *

*