Dos agente policial mata, momente cu nan a bay atende un problema di famia

California Estados Unidos

Diasabra dos agente policial a wordo mata momento cu nan a bay atende cu caso di problema di famia.

Jose Gilbert Vega y Lesley Zerebny tabata e prome nan cu a yega e adres na Palm Springs diasabra, caminda tabata tin un simpel problema di famia, pero cu a costa ambos nan bida.

E agentenan tabata purba di papia cu un homber di 26aña cu tabata basta altera, pero e homber aki tabata tin otro pensamento.

For di patras di e porta principal e homber a los varios tiro, heridando ambos agente seriamente.

Ambos a wordo hiba cu urgencia pa hospitaal, caminda nan ta fayece door di e impactonan di bala ricibi. Un di tres agente cu tambe a wordo herida tabata tin suerte, mirando cu su heridanan no tabata serio.

Jose Gilbert Vega 63aña ta un veterano cu tin 35aña den e cuerpo policial y tabata bayendo cu pensioen.
Lesley Zerebny 27aña a caba di bira mama y net a regresa di zwangerschap verlof.

John Felix di 26aña a entrega su mes despues di 12 ora cu ela mata e dos agentenan.

Hefe di polis Sr Reyes a bisa prensa cu tabata trata di un simpel problema familiar, pero cu Felix a dicidi otro.

Leave a Reply

Your email address will not be published. Required fields are marked *

*