Doño ta intercepta y bringa cu ladron di su auto dilanti Kowloon restaurant den Emmastraat

Emmastraat – Diaranson mainta algo pasa di 9:30 un famia hibando un familiar bay traha, ta topa cu nan Hyundia Getz cu a wordo horta den oranan di marduga.
Esaki a tuma luga na Urataca. Ora exacto no ta conoci.

Dilanti Kowloon den Emmastraat, nan ta spot e Hyundai Getz bayendo zuid. Mes ora nan a actua y a cuminsa grite pa e stop, mas cu claro e no a haci esaki.
Den entrada di Kowloon nan a logra cera e Getz di nan ruman homber y asina a baha subi den e Getz, gritando hendenan rond pa yama polis mes ora.

E ladron, cu ta un hoben tawata bise cu e no sa cu Hyundai tawata di e persona ey. Den algun minuut dos unidad di Motor Unit a yega, caminda cu na prome instante tawata papia cu e ladron tin un cuchiu cune, aki ta caminda cu agentenan a saca nan arma reglamentario mientras un homber ta wantando e ladron den e auto.

Despues mas polis a yega y asina cu basta problema nan a saca e ladron for di e auto y pone den boei.

E mes un hoben aki, segun e famia den oranan di marduga cu ela horta e Hyundai Getz, tawata den nan cas tambe y a horta nan kipashi y tambe belegnan cu tawata keshi cu ham, cu nan a cumpra pa mainta.

Pues aki nos ta wak un hoben, cu no sa ta kiko su problema ta cu a pone yega asina leu. Pa awor e ta bay cera y a wordo entrega den man di recherche na Frankrijkstraat.
Ambos auto a sufri daño, mirando cu den e persecusion e Celta su porta a kibra y a dobla bay dilanti.

Leave a Reply

Your email address will not be published. Required fields are marked *

*