Doño a subi dak y vigila ora ladronnan a bolbe, ba busca resto di cosnan cu nan a horta

Olijfistraat – Diahuebs anochi 9:30 pasa polis ta wordo pidi patras di Dakota Shopping Paradise. Akinan e doño of e persona cu ta encarga cu un deposito ey tras lo a spot dos ladron.

E caso ta lo siguiente. Durante e marduga di diahuebs e dos hombernan aki ya a drenta e deposito y bay cu varios tools.
Segun e persona cu ta encarga cu e deposito, paden tin hopi tools cu e ta usa pa welder.

Loke a pasa ta cu durante marduga nan no a logra bay cu tur cos y a laga algun cos atras. E persona encarga lo tawata sa cu nan lo bin bek y a subi ariba e dak durante oranan di anochi pa chek.

Bingo

Den careda di 9:30 mas o menos, manera e persona encarga cu e deposito a pensa, nan a bolbe pa e resto di e toolsnan, cu nan no a logra bay cu nan den marduga.
Mientras e tawata ariba e dak ela avisa polis, cu tawata cerca y a yega na e deposito mes ora y asina detene ambos ladron.

Ambos a wordo separa di otro y transporta pa warda di Playa, caminda nan lo keda cera pendiente mas investigacion.

Leave a Reply

Your email address will not be published. Required fields are marked *

*