Dilanti Lekker boksmento y detencion chauffeur burachi

Noord: Diadomingo pa mas o menos 4’or y mey di marduga patruya di Noord ta wordo manda na altura di Lekker Bar and Restaurant pa un boksmento frontal.

Na yegada nan ta bin compronde cu ta trata enberdad di un accidente frontal, entre un Toyota Tercel Blanco y un Kia Rio Bruin. Na e sitio e agentenan a nota cu ambos chauffeur lo ta bou influencia di alcohol, mesora a haci un test di alcohol cu nan, ambos chauffeur tabata mustra bou influencia, a detenenan y cu transportwagen di polis nan a wordo transporta pa warda di polis, pa un biaha mas haci un test di alcohol.

Ambos auto a haya basta daño material, hopi azeta a keda basha riba caminda cu mester a pidi Dow pa basha tera riba e caminda.

One comment

  1. Cu hopi hende ta keda deteni pa stuur bou di influencia di alcohol no ta preocupa ningun hende? Hende normalmente no ta bebe djies pa smaak por lo menos no sobrepasando e limite normal, no ta posibel cu nos pais tin hendenan cu no ta feliz? Deprimi kizas?

Leave a Reply

Your email address will not be published. Required fields are marked *

*