Dialuna marduga security di Zona Cero a wordo hinca

Kruisweg – Dialuna marduga algo pasa di 1’or algun agente ta sali di warda, bay e establecimiento nocturno net pabou di warda. E luga aki den pasado a conoce varios otro nomber. Tambe a conoce un cantidad grandi di problemanan.

 
Na warda a yega un persona cu su paña na sanger.
A bin resulta, cu aparentemente durante un discussion e persona aki lo a hinca e security.
 
Agentenan cu a haya e security a pidi ambulance cu urgencia, mirando cu e tawata bayendo den shock.
 
Dilanti e negoshi banda pariba di caminda, por a mira personal di ambulance lantando e pa e wordo hiba hospitaal.
 
Caminda e tawata, por a mira basta sanger indicando.
 
Den warda e homber sospecha di e hinca e security lo a wordo deteni.
 
Instancianan concerni manera recherche y tambe BFTO a wordo poni na altura, pa presenta na e sitio pa cuminsa cu investigacion.
 
Agentenan tawata puntra rond na esnan cu tawata na e sitio, si nan por a mira of tende kiko a pasa.
Pero niun hende aparentemente a mira of scucha algo.
 

Leave a Reply

Your email address will not be published. Required fields are marked *

*