Despues di un problema entre 2 grupo altura di Edisonstraat, polis a detene e 4 hombernan aki cu lo a tira

Diabierna anochi algo pasa di 11’or di anochi, polis ta wordo manda cu urgencia den Edisonstraat cu Reaumurstraat, pa pelea di dos gang cu a bay for di man, tiramento di piedra cu a caba cu tiramento.

Na yegada a bin compronde cu un Ford Explorer cora cu 4 persona den dje lo a los varios tiro.

Un polis ta bin topa den Fultonstraat, un Ford Explorer cora cu ta cuadra cu e descripcion.

Mesora polis a acerca e auto y a detene tur 4 homber y e auto a wordo confisca.

Cada un sospechoso a wordo transporta separa den diferente auto.

Polis a cera e caminda di Reaumerstraat y Edisonstraat un parti pa haci mas investigacion. A pidi pa recherche di PLaya y tambe BFTO( departamento tecnico), pa asina cuminsa un investigacion.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.