Dept. di Salud Publico su seccion di Warenkeuring y Hygiëna ta informa riba control na Chines di Airport

Awe merdia a bay viral riba medionan social “facebook” un video indicando cu un restaurant chines supuestamente lo ta cria djaca riba nan propio dak y ta cushina esaki pa consumidornan.

Parti atardi un keho oficial a keda entrega na nos departamento di Dienst Warenkeuring en Hygiëne pa cual motibo a forma un team mesora y a sali pa haci un control na dicho luga.

Por bisa cu durante e control no a constata nada inusual. E luga tawata limpi, certificado di salud di tur empleado na ordo y pa loke tawata e supuesto djacanan ta trata aki di piscanan cu ta wordo sala y buta pa solo seca esakinan.

E preparacion di esaki ta pa un cuminda, cu segun e propietario, pa nan propio consumo.

Departamento di Salud Publico su seccion di Warenkeuring y Hygiëna ta tuma tur keho na serio y ta sigui haci inspeccion pa proteha e salud di nos comunidad pero ta keda concientisa comunidad pa keda conciente y critico di na unda nan ta come.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.