Departamento di imigracion y douane cu accion, exgiendo mas seguridad principalmente den oranan laat di anochi

Oranjestad – Diaranson mainta pa mas o menos 8:30 por a nota poco poco empleadonan di departamento di imigracion y di douane a cuminsa sali y bin para dilanti e terminal.

Manera por a scucha ayera, cu durante un funcionario di douane a caba di traha laat anochi y ariba e parkeer plaats west di e terminal e lo a ser atraca.
Pues loke nan kier awor mas seguridad, den tur e inseguridad cu tin ariba nos isla na e momentonan aki.

E parkeo west ta un bon distancia di e terminal, den oranan di anochi e ta habri pa ken cu ta yega cerca y haci un persona daño, loke a pasa tambe.

Na radio por a scucha señor Bernabela, cu ta exigi un reunion urgente cu triple A pa asina wak pa por yega na un solucion mas rapido posibel.
Paso no por ta asina cu ta traha un parkeer plaats asina leu y no tin niun clase di vigilancia pa bo empleadonan.

Si no yega na nada, lo intensifica e accion te ora cu por garantisa seguridad di e empleadonan y principalmente esnan cu mester traha laat y cana bay na nan auto west di e terminal.

Leave a Reply

Your email address will not be published. Required fields are marked *

*