Den un pelea un homber ta dal turista masculino un mokete mande vloer

Oranjestad: Diasabra algo pasa di mey anochi, patruya di playa ta wordo manda na e snacktruck dilanti di Royal Plaza lo tabata tin un pelea y cu nan lo a dal un persona, cu esaki lo a bay cay y dal su cabes hopi duro riba vloer.

Na yegada polis enberdad ta bin topa cu un turista masculino benta knock out riba vloer dilanti di e snack truck. Na e sitio nan ta bin compronde cu lo tabata tin un pelea y e turista a haya un mokete cu mande di biaha vloer.

E persona cu a dal e turista lo a bandona e sitio den un Toyota Tercel blanco, un patruya di polis den cercania mesora cuminsa buska den e area pero sin resultado.

E turista un rato despues a bin bij y polis a nota cu e turista ta basta bou influencia, mirando cu e no tabata tin niun herida di gravedad, a opta pa transporte pa warda di polis caminda nan lo lague sosega pa e bin bij y despues hib’e su hotel bek.

Leave a Reply

Your email address will not be published. Required fields are marked *

*