Den reforma fiscal tin riba mesa pa aumenta invoerrechten y accijns riba algun producto cu ta malo pa comunidad Por ehempel: cos dushi (sucu), Cerbez y whiskey(alcohol) y sigaria ( tabaco)

Den reforma fiscal tin riba mesa pa aumenta invoerrechten y accijns riba algun producto cu ta malo pa comunidad

Por ehempel: cos dushi (sucu), Cerbez y whiskey(alcohol) y sigaria ( tabaco)

Diahuebs mainta e titular di finanzas, Minister Maduro, a anuncia cu nan ta anticipando y preparando e reforma fiscal, segun e consehonan di IMF, pa cual entre nan tin e asina yama “sin-tax”.

Sin-Tax ta enfoca tur producto cu ta malo pa comunidad of salud. Den e caso aki sucu ta un producto cu ta causa hopi daño y despues ta pone e peso riba AZV. Igual na alcohol y tabaco.

CUAL PRODUCTONAN LO WORDO AFECTA? 

Den e caso aki,  tur producto cu ta contene sucu lo conoce un subida di prijs,  manera “pan dushi”, pan bollo, tur sorto bolo, quesillo, ijscream, paki sucu mes,  tur sorto di sucu, blanco, bruin, probablemente juice, refresco.

Alcohol: Accijns lo conoce un subida per cual alcohol, lo bira mas caro.

Tabaco: Sigaria y tur producto similar lo conoce un extra belasting na entrada di pais. E conseho aki a bini di IMF y ta conoci como sin-taxes.

No ta un fenomeno desconoci. Den e gobierno anterior esaki tambe tabata riba mesa, pero a wordo cancela y no a bay door.

E pensamento ta cu mas caro e productonan aki bira, menos e lo wordo consumi, of si e wordo consumi mes, mas placa gobierno lo haya for di dje.  Sinembargo si e wordo consumi menos, e lo trece alivio pa AZV, ya cu ta ingredientenan cu ta causa malo di salud.

E reunionnan riba reforma fiscal ta tumando lugar tur diahuebs cu varios departamento, unda ta haci ehercicio- y calulacionnan intensivo pa asina formula e belasting indirecto.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.