Den buracheria y droga e chofer a para e auto pa Zachary (20) tira intencionalmente y dirigi riba Ski

Update!

Cinco amigo tabata riba trip y segun nan defensa cu den buracheria y bao influencia di droga pisa, e chofer a wordo pidi pa para e auto ora nan a mira Ski den Rancho pa e dama tira pa loco y pa malasuerta a alcansa Ski!

Nan defensa ta hopi swak, pasobra nan propio storia ta divulga cu tabatin intencion “met voorbedachte rade”.   Una ves a pidi pa “para e auto”, ta pasobra ba pensa kico bo lo bay haci.

Contrario na e defensa swak, Mas bien e damita (20), a pidi pa para e auto ora ela mira Ski, pasa man pa un arma, y tira intencionalmente y dirigi riba Ski, como un acto di hunga tough y hunga grandi y di bisa “ami tin curashi pa tira”.

Asina mester interpreta loke awe, tur kier core pa nan responsabilidad, y pretende cu nan ta burachi y a los tiro pa loco y pa malasuerte e tironan a alcansa Ski.

Zachary Quandt mes hunto cu e amigoan a tene silencio, mientras un pa un reherchenan a  busca nan te ora cu Zachary a dicidi di kibra e silencio y a bay conta su famia.

Mesora via abogado nan mes a hibe warda di polis pa entrega su mes!

Polis a tene varios inval y poco poco tabata formando e gang cu a comente un acto cruel dor di pasa tira riba un persona y bandona sitio.

Mas cu claro cu tur ta complice di un forma of otro dor di purba tapa loke a pasa pa asina purba get away cu husticia.

E caso aki ta uno cu a shock comunidad y lo no por accepta storianan di buracheria ni di droga,  aki ta un “challenge” kier a haci pa pone e chofer para e auto!

Una ves cu a para e auto, ja ta drenta “intencion” y pa cual a baha e glas como segundo stap pa djey tira dirigi riba Ski.

Un caso lamentabel unda cu e hobennan aki awor mester bay carga cune y pasa nan proceso dilanti mesa berde.

Nos lo update

One comment

  1. NOS cada un mester bolbe bek na DIOS, implora DIOS pa E cambia NOS. NOS tur ta culpabel, NOS tur ta comunidad: AMI ta culpabel, door cu mi ta hasiendo nada embez di reza mas pa NOS. Cada mayor mester bolbe bek na DIOS, E tin e PODER pa saca NOS for di e desorden grandi cu NOS tur ta aden awe. E por hibanos bek na e 10 MANDAMENTONAN. Mane NOS kibra un mandamento di DIOS tur e otronan ta cai abou. Un mayor si e mes kibra un di e mandamentonan, con e por educa corda corrigi su yiu? E yiu ta bai bise, wak bo mes, drecha bo mes. Pa NOS como mayornan haya e forza bek, NOS tur mester bolbe bek na DIOS y admiti cu NOS a faya, pero cu FE cu pa DIOS nada ta imporsibel.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.