Damita di 13 aña aparentemente lo a herida su mes na carting

Bushiri – Diaranson anochi algo prome cu 8’or polis a wordo manda Bushiri Carting, pa un incidente cu un damita di 13 aña.
Ja ambulance tambe tawata yegando.

Na prome instante a papia cu algo a pasa un damita y cu e lo a haya golpinan serio na cabes y pecho.
Por a wak ambulance na e sitio staciona y un rato despues personal di ambulance tawata bin cu e damita y su mama.

Por a wak cu e damita tawata ok, por a nota con trankil e paramedico nan tawata cana bay na e ambulance. No ta conoci pa nos kiko exactamente a sosode.

E damita a wordo controla na e sitio mes y despues a bandona e ambulance.
Polis tambe a continua nan caminda, despues di a tende cu e damita ta ok.

Leave a Reply

Your email address will not be published. Required fields are marked *

*