Dama turista di 33 aña posiblemente viola ariba beach di Hilton Hotel

Palm Beach – Diabierna marduga algo prome cu 4’or informacion ta drenta cerca polis cu ariba beach di Hilton Hotel, algo lo a pasa un dama.  Na yegada di polis berdad nan a topa cu un dama turista di 33 aña procedente di Canada.  Segun e dama ela wordo viola, y por a mira cu di berdad algo pasa door cu tawata tin sanger na su panty.  E dama tawata bebi tambe. Segun cu ela conta, e persona cu lo a comete e acto tambe ta un turista, probablemente di New York.  Mesora cu a constata cu ta trata di un caso serio, a avisa autoridadnan concerni.  Ambulance tambe a wordo avisa y por a mira nan a cana bay cu e dama direccion Ambulance. Despues a sali direccion Hospital.  Di parti cuerpo policial nos a haya e siguiente relato:  “Awe diabierna mainta pa 3.50 central di polis ta wordo notifica cu un dama a wordo probablemente viola na altura di Hilton.

Patruyanan di Noord a wordo manda pa e sitio. Mesora tur autoridadnan competente  a wordo poni na altura”.
E caso ta bou investigacion.

One comment

  1. Mester ta un hende homber pa bisa “posiblemente” viola: bo ta viola of bo no ta viola: no tin “posiblemente”

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.