Dama ta wordo gedal pa auto altura di Mariniers Kazerne

Savaneta – Diamars anochi den careda di 10:30 un auto Ford Escape ta dal un dama, poco pabou di Mariniers Kazerne.
Un patruya di trafico cerca mes ora a baha bay wak kiko a pasa y ta pidi ambulance cu urgencia.

E dama lo a ricibi sla na cabes durante e impacto.
Segun e cabayero na stuur di e Ford, e tawata bayendo direccion pariba y a tira un bista ariba e takelwagen cu tawata bezig na su man drechi.

Loke e no a spera tawata cu e dama a sali di e supermercado y a crusa caminda posiblemente sin pone mucho atencion. Mientras e cabayero mirando kiko ta pasando cu e takelwagen tampoco a wak e dama y asina ta dal e.

Mes ora e chauffeur a para su auto poco mas pariba y a bay na e dama y asina bati alarma.
Segun nos a compronde e dama lo tawata bezig cu e takelwagen pa algo di su auto.

Ambulance na e sitio a prepara e dama y sali direccion hospitaal. Situacion di e dama segun personal di ambulance lo ta ok.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.