Dama na stuur di Honda a dal contra mata di Kwihi na Meiveld, ela resulta seriamente herida

Meiveld – Diadomingo marduga pa mas o menos 1:50 informacion a drenta di un accidente serio, na e crusada di Meiveld pa bay Cumana. Pa ta mas exacto, patras di ex Codemsa direccion pariba.

Na yegada di polis, nan ta topa cu un auto marca Honda color shinishi pega contra un mata di Kwihi.
Na stuur un dama, cu tawata for di tino.

E dama pa un of otro motibo a baha caminda, y a bay dal net na banda di chauffeur  contra un troncon di un mata di Kwihi.
Na yegada di ambulance, paramediconan a mira e seriedad di e situacion y a pidi refuerso di mas colega.

Brandweer tambe a wordo avisa. Na yegada a mira e impacto di auto y a bay over pa corta parti di e porta pa asina por saca e dama.

Despues di algun minuut a logra saca e dama y a transporte pa hospitaal den un situacion serio.

One comment

  1. Dios laga cu e no a hala pa cacho: pasobra no ta costando Aruba mas na accident di auto y bida di hende humano ora hala pa cacho si ta di inverti pa kita cachonan for di riba caya?

Leave a Reply

Your email address will not be published. Required fields are marked *

*