Dama deteni pa destruccion, tawata trata di problema di bisiña

Esmeralda, Noord: Dialuna den oranan di atardi, un patruya di polis ta wordo manda na un adres na Esmeralda pa un problema entre bisiña.

Na yegada nan ta papia cu ambos bisiña y ta bin compronde cu un bisiña a lanta un cura net memey di e liña di e dos terenonan y no tabata na altura cu automaticamente ora bo lanta un cura e parti di e cura cu ta cay den e otro bisiña su cura ta bira di dje y cu e tin tur derecho di pleister esaki.

E bisiña contento cu ela haya un cura traha a dicidi di pleister e parti di e cura cu ta den su tereno, esaki no a cay den bon tera cerca e bisiña cu a traha e cura, esaki a rabia asina hopi cu ela destrui e pleister cu tabata tin den e banda di su bisiña.

E dama cu a lanta e cura despues di a comete destrucion na e pleister riba e cura den e banda di su bisiña a keda detene pa comete destrucion y transporta pa warda di polis na Shaba.

Leave a Reply

Your email address will not be published. Required fields are marked *

*