Dama Colombiana a perde su bida den accidente di trafico na Santa Cruz

Santa Cruz

Diamars mainta polisnan ariba caminda di Santa Cruz na altura di santana ta bin topa cu un Nissan Sentra, cu  a bolter den un cura di cas.

Na momento cu nan a baha y a wak e gravedad di e accidente, mes ora ta pidi pa materialenwagen y tambe ambulance cu urgencia.

Den e auto tabata tin tres dama, cu segun testigonan ocular nan tabata pasando un fila di 5 pa 6 auto, bayendo direccion rotonde di Santa Cruz.

Dado momento, un testigo a conta nos cu e no por a kere kiko e tabata wak. E Nissan Sentra, sin tene brake ta kita na su man drechi.

Eynan e ta ranca un muraya cu e ta indica Pointa Plaza, pa despues basha un cura di cas abou y keda ariba su banda.

Algun persona cu tabata trahando eybanda, mes ora a core sali bay direccion di e accidente. E persona nan ta saca un dama, caminda nan ta carge y pone den sombra altura di e cura di santana, caminda personal di ambulance a yega y a transporte pa Hospitaal.

Brandweer mientrastanto a cuminsa traha pa saca e dama cu tabata na bida. Manera cu nan a sake e ta wordo transporta den un estado critico pa Hospitaal.

Pa 9:55 Dr Mungra ta constata morto di e chauffeur Stella Garcia Arias naci 9 di december 1961 na Colombia, cu ta bira e di 6 morto di trafico.

Palabra di condolencia ta bay pa famia di e fayecido.

Leave a Reply

Your email address will not be published. Required fields are marked *

*