Dama chauffeur irresponsabel ta keda deteni, pa core auto bou influencia

Daltonstraat Oranjestad: Diadomingo algo pasa di 4’or di marduga, polis ta wordo informa cu tin un chauffeur den un Chevrolet Blazer shinishi coriendo hopi irresponsabel y cu na altura di e turbo rotonde Wendys a hera ocasiona un accident, e auto tabata riba e caminda di Santa Helena bayendo dirrecion pariba, na e rotonde di Ponton ela bay ariba.

Mesora un patruya cu tabata den Hubadastraat a tope’e un poco pariba di e rotonde di Ponton, na altura di Daltonstraat nan logra para e auto. E agentenan a nota cu tabata tin dos dama den e auto, e dama na banda tabata drumi y e dama tras di stuur tabata mustra basta bebi.

Polis a haci e test di alcohol cu e dama chauffeur y esaki a surpasa e maximo di alcohol cu ta wordo permiti pa ley. E dama chauffeur a keda deteni y mientras tanto e ocupante a lanta for di soño y e patruya a dune un lift pa su cas na Piedra Plat.

E dama chauffeur bou influencia no tabata solamente pone su bida na peliger pero di e ocupante y di tur otro persona cu tabata e momento ey riba caya.

E dama a wordo transporta cu transportwagen di polis pa warda di polis, caminda elo a haya un cuarto gratis pa descansa.

Leave a Reply

Your email address will not be published. Required fields are marked *

*