Dama bou influencia tras di stuur ta dal contra un palo di lus y ta kibra esaki bente abou

Moko: Diasabra den oranan di marduga polis ta sosode un accidente cu hende herida riba e caminda di moko na altura di Mi Dudu, mesora ta manda polis y ambulance na e sitio.

Na yegada nan ta bin topa cu un dama cu tabata bou influencia y ta compronde cu e dama aki tabata bayendo direccion nort y pa un motibo of otro a baha caminda dal contra un palo di lus cu un transformator y a kibra esaki bente abou. Esaki a causa cu e area di Moko, calabas a keda pa basta rato sin coriente.

Despues cu personal di ambulance a trata e victimanan na e sitio a transporta nan pa hospital.

Durante cu e palo di lus y e transformator tabata benta abou varios chauffeur no tabata respeta cu tin un accident y cu e palo di lus cu tur su wayanan tabata benta riba caminda. Algun chauffeur a purba pasa toch y nan auto a pega den e wayanan cu tabata colga, sin cu nan por a move y mester a warda pa riba personal di Elmar yega na e sitio pa kita e waya. Wayanan di coriente ta keda peligroso y no ta asina asina por yega halanan.

Leave a Reply

Your email address will not be published. Required fields are marked *

*