Dama a perde control di su auto den Rooi Frances, dal den lodo di salinja y bolter

Diasbra merdia, alarma a wordo bati pa un auto cu a boler den Rooi Frances.  Un dama a perde control di su auto, bayendo den direccion di Sabana Basora.  E auto a bay dal den e salinja cu a forma na un lodo.  Unaves e auto a dal den e lodo aki el’a bolter.  E dama a logra sali y a bay sinta bao di un palo.   E dama tabata hopi spanta y tabata yora.  Algun auto pasando eybanda a core duna e dama asistencia y a trankilise.  Algun rato despues ambulance a yega.  Por a nota cu a dama a lanta riba y cana bay ambulance,  cual ta duna pues e indicacion cu e sla lo ta leve.

Departamentonan di polis tambe a presenta na e sitio pa asina analisa y raporta e accidente aki.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.