Cuatro hoben haya cu diferente sakito di droga, tur a keda deteni

Oranjestad – Diabierna anochi 8:25 un rato despues di e atraco arma ariba un luga di loteria den Driemasterstraat, Flex Team di cuerpo policial ta para cuatro hoben.

Ora nan a mira polis nan a cuminsa cana lihe y drenta Rockerfellerstraat, caminda cu polis a logra para tur.

Polis a bay controla mes ora e ruta cu e grupo a tuma momento cu nan a wak polis, esta ariba e parkeer plaats. Y bingo, caminda nan a pasa polis ta haya un tas color preto bou di un pick up Volkswagen Amarok hinka.

Mas leu agentenan ta wak un saco chikito di plastic cu substancia parecido na marihuana.
Ora cu polis a habri e tas, ta haya tres saco di plastic cu substancia blanco den nan parecido na cocaina.

Ariba e parkeer plaats no tawata tin niun auto mas staciona.

Esnan cu a keda deteni ta RA GIEL 16 april 1996 biba na Palm Beach, D PLAISER 26 augustus 2001 biba na Sero Blanco, SI STAMPER 26 december 2000 biba na Sero Patrishi y JJ HOPMANS 14 augustus 1997 biba na Bushiri.

Tur a wordo deteni y hiba warda di Oranjestad, e mes un anochi tur a wordo hiba warda di Shaba caminda nan a keda encarcela pendiente mas investigacion.

Leave a Reply

Your email address will not be published. Required fields are marked *

*