Crusada conoci pa accidente di trafico na Paradera, a laga varios persona herida despues di boksmento

Paradera – Diadomingo anochi pa mas o menos 8’or informacion a drenta cu altura di Jabi di Angel na Paradera tin un accidente cu hende herida.
Mes ora patruyanan a cuminsa bay e direccion.

Na yegada polisnan ta topa cu un Toyota Yaris completamente destrui dilanti, y den e auto un dama ocupante cu lo a haya basta golpi durante e impacto.

Segun nos a compronde, e Toyota Yaris bayendo direccion rotonde Paradera a haye confronta cu e Hyundai, cu lo subi caminda sin duna preferencia.

Den e Hyundai, tawata tin varios persona cu a resulta herida.
Varios ambulance a presenta na e sitio pa asina transporta esnan herida pa hospitaal.

E crusada aki ta un crusada cu automobilistanan semper mester pone bon atencion, paso mayoria biaha cu sosode un accidente eynan semper ta pa e mes un motibo, esta di yega subi y sin pone atencion si tin trafico.

Leave a Reply

Your email address will not be published. Required fields are marked *

*