Criminalidad halto den oranan di marduga : Ladronnan a drenta Starbucks na Palm Beach y bay cu safe

Palm Beach: Diahuebs den oranan di marduga un patruya di polis ta bay pa un caso di kiebro y ladronicia na Starbucks den Paseo Herencia na Palm Beach.

Na yegada e polisnan ta bin compronde cu e ladronnan a usa un tactica masha diferente nan a logra habri e porta di glas sin kibr’e , nan a bay den e cushina y a pasa man pa e safe di e negoshi y a baha na awa cu ne.

Algun security guards den cercania a tende e alarma bay on y a nota un Pickup double cabina para den e hanchi pazuid y tambe nan a mira dos persona cara tapa saliendo cu algo for di Starbucks, nan a drenta den e pickup y a bay for di e sitio.

Algun tempo atras gobierno a laga instala algun camara di seguridad den e area aki pero no ta conoci si nan ta den funcion y si ta asina mes, cu si nan por a capta e imagennan di e ladronnan y e auto cu nan a bay den dje.

Leave a Reply

Your email address will not be published. Required fields are marked *

*