Criminalidad : Dos menor y un adulto a drenta Hua Run Supercenter pa horta den ora di marduga

Ponton – Diaranson marduga den careda di 2’or pasa polis ta haya notificacion cu den Hua Run ladronnan ta activo.

Manera nos tawata trece dilanti den noticianan anterior, ta cu ladronnan casi tur marduga ta sumamente activo. Doñonan di negoshi aunke nan luga tin alarma y camara di seguridad y patrol di un compania, no ta stop ladronnan di drenta e negoshinan.

Pa e ladronnan di diaranson marduga, e no a bay a bon mirando cu tur tres a wordo gara na e sitio.

Señora Rasmijn vocero suplente di cuerpo policial a duna e siguiente declaracion :

“Awe diaranson madruga pa 02:28 Central di Polis ta manda patrouille di playa na Hua Run Super Center pa ladronanan den e edifio cu lo ta bezig ta hortando.
Patrouille cu tabata e momento ey den sercania a jega pa 02:29 unda cu nan a bin topa cu un homber scondi pafo tras di un pochi mata cu dos caha di plaka den su man y na mes momento un otro hende homber ta saliendo foi di un buraco den bentana. Polis a bai over na detene tur dos hende homber. Na dado momento un di nan a hasi un movecion stranjo na unda cu polis pa su mes un seguridad a los un tiro di advertencia den laira na unda di biaha a neutralisa e situashon . Polis nan di Noord cu tambe a presenta na e sitio a bai over na controla e lugar paden na unda cu a bin topa cu e di tres sospechoso den banjo scondi. Ta trata di dos arubiano y un curasoleno. E edad ta di 16,17 y 27 anja . E caso ta den man di recherche na unda lo sigi cu e investigacion.
Un tremendo trabao di coleganan di Cuerpo Policial cu a sa di jega inmediatamente y a bai over na detene e sospechosonan.”

Un di esnan deteni algun aña atras tawata envolvi den caso di asesinato na Tarabana, segun nos informacion e no a haya mucho tempo cera y ta bek den comunidad y keto bay ariba e caminda robes.

Aña pasa e mes un negoshi aki a haya bishita di ladronnan, cu a drenta via dak y bay cu un suma hopi grandi for di un oficina den e supermercado.

Leave a Reply

Your email address will not be published. Required fields are marked *

*