Criminalidad den oranan di marduga a yega Santana, restonan mortal saca y gespart rond

Noord – Diaranson mainta den careda di 10’or un biaha mas pueblo di Aruba y un famia ta wordo confronta cu destruccion di un kelder.
E parti mas doloroso di e actonan aki ta cu, no solamente nan a kibra algo of horta algo di e graf. Esey tawata informacion, cu a drenta den oranan di mainta, esta cu tin un caha di morto afo y e restonan mortal ta visibel mandando un holor fuerte.

Ultimamente, manera nos a trece durante weekend caba, e tipo di actonan ta birando cada biaha mas constant.
Siman pasa y e siman ariba, na santana di gobierno na Zeewijk, tambe dos kelder a wordo kibra y a bay cu e cabes di un persona masculino y un persona femenino.

E caso di Noord, manera nos por wak nan no a bay cu e cabes, ariba imagennan por wak esey. Mas sigur e tipo di actonan aki ta pasa den oranan di marduga. Ta trata di un persona masculino y manera por wak agentenan mester a bisti mask, pa protega nan un tiki di e holor fuerte. Un acto condenabel, e manera cu nan a spart e restonan.

Mes ora a notifica recherche di districto di Noord y tambe departamento tecnico, pa asina cuminsa na haci algo cu e tipo di actonan straño aki. Famia nan tambe a wordo poni na altura y a presenta tambe.

Kiko e biaha aki nan lo tawata busca, ta keda un pregunta habri.

Manera nos a trece dilanti caba, Ministerio Publico y Cuerpo Policial mester cuminsa haci un investigacion profundo di e casonan aki.

Awe ela pasa na Santana Catholico na Noord, puntra unda otro “nan” lo bay awor.

A bira ora pa pone luznan grandi y camara di seguridad pa cuida esnan cu bay laga nos ?

Leave a Reply

Your email address will not be published. Required fields are marked *

*