Criminalidad cu grip DURO ariba Aruba : Atraco arma ariba Paradera Restaurant

Paradera – Diaranson anochi un biaha mas e isla di Aruba ta den noticia negativo, esta criminalidad.
Paradera Restaurant a bira blanco di un atraco arma, door di dos persona jong cu segun polis a papia bon papiamento.

Vocero suplente di cuerpo policial señora Rasmijn a duna e siguiente relato.

“Diaranson anochi pa 8:38 Central di Polis a haya jamada cu un atraco a tuma lugar na Paradera Restaurant. Na jegada di patrouille e chines ta conta cu dos hende homber jong a drenta y atracanan. Un di e atracadornan tabata tin cara tapa y e otro no. Esun cara tapa ta tin un arma di candela. Por a compronde ta dos guy jong y tur dos a papia bon papiamento. Nan a bai cu mas o menos afl 500,-. E atracadornan a huy na pia.
Atraco team a presenta na e sitio y cuminsa asina cu e investigacion. Tambe a pidi slachtoffer hulp y polis technico.
Ken cu por a wak algo jama tiplijn di polis cu ta 11141”.

Leave a Reply

Your email address will not be published. Required fields are marked *

*